رۆژی دووشەممە 12ی گەلاوێژ 1405ی هەتاوی، دۆناڵد ترامپ سەرۆک کۆماری ئەمریکا ڕایگەیاند کە دانوستانەکان لەگەڵ کۆماری ئیسلامی بۆ کرانەوەی گەرووی هرمز و مەرجەکانی ئەمریکا بەرێوە دەچێت.
دۆناڵد ترامپ ڕایگەیاندووە کە ئەو رێککەوتنانە لەسەر داوای بەرپرسانی رژیم، قەتەر، عەرەبستان و ئیمارات و هەروەها وەکوو دەرفەتێک بۆ رێککەوتن ئەنجام ئەدرێن. سەرۆک کۆماری ئەمریکا ئاماژەی بەوە کردووە کە ئەمریکا لە وتارەکانیدا مەرجی کرانەوەی دەستبەجێ گەرووی هرمز، دامالینی بە تەواوی چەکی ئەتۆمی کۆماری ئیسلامی داناوە. هەروەها دۆناڵد ترامپ بە توندی هەڕەشەی لە ڕژیم کردووە و ڕایگەیاندووە کە ئەرتەشی ئەمریکا هێشتا لە ناوچەکە جێگرە و ئەگەر بەرپرسانی کۆماری ئیسلامی رێکنەکەون، بۆ جاری چەندەم بە توندی هێرش دەکەینە سەریان.