بە پیێ هەواڵی بڵاوکراوە ڕۆژی یهكشهممه ١٦ی مانگی ڕێبهندان، “مەسعود کوردپوور”، سەرنووسەری ئاژانسی مافی مرۆڤی “موکریان نیوز” لە دادگەی شۆڕشی بۆکان بە تۆمەتی پڕوپاگەندە دژی دەسەڵات بە ٩ مانگ بەندکردن و تۆمەتی تێکدانی ئاسایشی گشتیی ئێران بە ٨ مانگ بەندکردن سزا درا.
بهپێی ڕاپۆرتهكان، مەسعود کوردپوور ساڵی ٢٠٢٢ لە ماڵەکەی خۆیدا لە بۆکان لەلایەن هێزەکانی ئیتڵاعاتەوە دەستبەسەر کرا و گواسترایەوە بۆ بەڕێوەبەرایەتیی ئیتڵاعاتی ورمێ. دوای دوو مانگ، لە دادگەی شۆڕشی بۆکان دادگایی کرا و لە رۆژانی ڕابردوودا سزاکەی پێ ڕاگەیێندراوە. “مەسعود کوردپوور” ئێستا لە گرتووخانەی ئەو شارە ڕاگیراوە بۆ تێپەڕاندنی ماوەی سزاکەی و پێشتریش بەهۆی چالاکییە رۆژنامەڤانی و ئەو چالاکییانەی لە بواری مافی مرۆڤ دەیکردن، لە ساڵی ٢٠٠٨ بە ساڵێک و ساڵی ٢٠١٣ ش بە سێ ساڵ بەندکردن سزا دراوە.