بە داخ و پەژارەیەکی زۆرەوە، ئیوارەی ئەمرۆ پێنج شەممە رێکەوتی ١٤ی سەرماوەزی ١٣٩٨ هەتاوی لە جەریانی مەراسمێکی شایی و زەماوەند لە تەلاری “مانگەشەو” لە شاری سەقز، بە هۆی تەقینەوەی چەند کەپسولی گاز، دەیان کەس بوونە قوربانی و گیانیان لە دەستدا یان بریندار بوون . هەواڵە سەرەتایەکان باس لە گیانبختکردنی ١١ کەس و بریندار بوونی زیاتر لە ٤٠ کەس دەکەن کە چەند منداڵی ژێر تەمەنی ١٨ساڵ لە نێو کوژراو و بریندارەکاندان. نا ستاندارت بوونی شوێنە گشتیەکان و نەبوونی کونتروڵی دەوڵەتی بە سەر ئەو شوێنانە و چاوچنۆکی خاوەن کۆشک و تەلارەکان لە وڵات گەڵێکی وەک ئێران رۆژانە کارەساتی لێدەکەوێتەوە و بە قیمەتی گیانی خەڵکێکی زۆر تەواو دەبێت .
دەبیرخانەی کومیتەی ناوەندی کۆمەڵە ، وێرای دەربرینی داخ و پەژارەی قووڵی خۆمان لەو رووداوە دەڵتەزینە ، هاوخەمی خۆمان بۆ بنەماڵەی گیانبختکردووانی ئەو کارەساتە دەردەبرین و هێوای چاک بوونەوە بۆ بریندارەکان دەخوازاین . هەر وەها داوا لە خەڵکی دڵسۆزی شاری سەقز و شوێنەکانی دیکە دەکەین کە بە هانای بنەماڵەی داغداری ئەم کارەساتە و بریندارەکانەوە بچن و لە هیچ یارمەتی و هاوکارییەک درێغ نەکەن .
دەبیرخانەی کومیتەی ناوەندی کۆمەڵە (رێکخراوی کوردستانی حیزبی کۆمۆنیستی ئێران)
١٤ سەرماوەزی ١٣٩٨هەتاوی