لە دوای توندکردنەوەی گەمارۆ دەریاییەکانی سەر بەندەرەکانی ئێران، ڕاپۆرتەکان باس لە چالاکیی ئەو نەوتهەڵگرانە دەکەن کە بە ساختەکردنی شوێن و هێماکانیان، بە شێوەیەکی نهێنی خەریکی گواستنەوەی نەوتی خاوی ئێرانن.
بەپێی ڕاپۆرتە هەواڵگرییە دەریاییەکان، هەندێک لەو نەوتهەڵگرانەی کە لەژێر سزاکانی ئەمریکادان، بە دەستکاریکردنی داتاکانی ( جی پی ئێس)، وا نیشان دەدەن کە لە نزیک کەناراوەکانی عێراقدان، لە کاتێکدا لە ڕاستیدا لە بەندەرەکانی ئێرانەوە نەوت بار دەکەن. کۆمپانیایەک ڕایگەیاندووە: ئەم کەشتییانە بە مەبەستی شاردنەوەی چالاکییەکانیان، داتاکانی سیستەمی “جی پی ئێس” ساختە دەکەن و ڕێڕەوەکانیان دەشارنەوە. بەپێی ئەم ڕاپۆرتە، چوار نەوتهەڵگری زۆر گەورە لە زومرەی ئەو کەشتییانەن کە لەو ئۆپەراسیۆنەدا بەشدارن. دەوترێت ئەم نەوتهەڵگرانە ئاڵای وڵاتانی وەک “کوراساو” و “مالاوی” بەکاردێنن و بە بەڵگەنامەی ساختەوە کار دەکەن.