پۆلیسى دەوڵەتى تورکیە ڕۆژى پێنجشەممە ١٩ی مانگی جۆزەردان، لە هەڵمەتێکی ڕەشبگیریدا هەڵیانکوتاوەتە سەر گوندەکانی “ئاڤگاماسیا، سەردهێلێ و بینای ئافات” لە ناوەندی شارى شرناخ و تا ئێستاش ١٣ هاوڵاتى دەستگیرکراون.
بەپێی ڕاپۆرتەکان، ناوى ئەو کەسانەى کە لەو هەڵمەتەدا دەستگیرکراون بریتیە لە “نیهات ئوستون، سەعید ئوستون، عەبدولڕەحمان ئاڵتای، ساڵح جەیلان، حاجی ئوستون، خالید گونگەن، عادل ئوستون، عومەر گولەنچ، نزار کلیچ، ئەمین مونگان، ئەمین کولتەر، نەعیم تونچ و شۆڕش ئاکین”. بەپێى زانیارییەکان ئەو ١٣ هاوڵاتیەى پاش دەستبەسەرکران گواستراونەتەوە بۆ فەرماندەیی ٢٣ى جەندرمە لە شاری شرناخ و لە ئێستادا لەوێ بەندکراون.