بەپێی ڕاپۆرتەکان، “غوڵامحسێن موحسنی ئێژەیی” لە ڕێگەی حوکمێکەوە کە میدیاکانی ناوخۆی ئێران بڵاویان کردووەتەوە و واژۆی موجتەبا خامنەیی لەسەرە، بۆ جارێکی دیکە وەک سەرۆکی دەزگای قەزایی کۆماری ئیسلامی دەستنیشان کرایەوە.
“موحسنی ئێژەیی” لە هاوینی ساڵی ١٤٠٠ەوە سەرۆکایەتی ئەم دەزگایەی لەئەستۆیە و خولی پێنج ساڵەی یەکەمی چەند ڕۆژ پێش ئێستا کۆتایی پێهاتبوو. ناوبراو لە کاتی ناڕەزایەتییەکانی بەفرانباری ساڵی ڕابردووەوە و بەتایبەت پاش دەستپێکردنی شەڕی ٤٠ ڕۆژە، چەندین جار داوای لە قازییەکانی ڕژیم کردووە کە بەبێ چاوپۆشی و لە زووترین کاتدا حوکمی قورس بەسەر دەستبەسەرکراوان و تۆمەتباراندا بسەپێنن، کە بەم هۆیەوە لە پاش شەڕی ٤٠ ڕۆژە ڕێژەی لەسێدارەدان و زەوتکردنی داراییەکانی هاووڵاتیان بە شێوەیەکی بەرچاو بەرزتر بووەتەوە.