بەرەبەیانی ڕۆژی پێنجشەممە ٤ی جۆزەردان، “سووری بابایی چگینی”، چالاکی مەدەنی مافی ژنان، دوای هێرشی هێزه‌كانی ئیتلاعاتی سپای پاسداران بۆ سەر ماڵەکەی، دەستبەسەر و بۆ زیندانی “چوپیندەر”ی قەزوین گوازرایەوە.
بەپێی زانیارییه‌كان، هێزه‌كانی ئیتلاعاتی سپای پاسداران ماڵی ئەم چالاکە مەدەنییەیان پشکنیوە و دەستیان بەسەر مۆبایلەکەیدا گرتووە. شایانی باسه كه “سووری بابایی چگینی” ناوەڕاستی مانگی خاكەلێوە، دوای تێپەڕكردنی ٩ مانگ زیندان بە دانانی بارمتە لە زیندانی چوبیندەری قەزوین ئازاد کرابوو.