بەپێی دوایین ڕاپۆرتەکان، “وەحید چاوران” بەندکراوی سیاسی کورد کە دوور خراوەتەوە بۆ زیندانی ناوەندی زاهدان، لە مافی دەستڕاگەیشتن بە دەرمان بێبەش کراوە.
بە وتەی سەرچاوەکانی هەواڵ، ئەو زیندانییە بە هۆی ئەشکەنجەکانی هێزە ئەمنیەکان و هەروەها ڕاگرتنی لە دۆخێکی زۆر خراپدا، تووشی نەخۆشییەکی چاو بووە و ئەگەری هەیە لە درێژەی بایەخ نەدانی بەرپرسانی زیندان بە دۆخی تەندروستی، بینایی چاوی لە دەست بدات. جێگای ئاماژەیە کە ئەو هاووڵاتییە لە لایەن دەزگای قەزایی ڕژیمەوە حوکمی ١٢ ساڵ زیندانی تەعزیری بەسەردا سەپێندراوە و لە مانگی گوڵانی ساڵی ڕابردووەوە لە زیندانی ناوەندی زاهدان ڕادەگیردرێت.