بهپێی ڕاپۆرتی میدیاكانی نزیك له پارتی كرێكارانی كوردستان (پ.ك.ك)، سپای پاسداران فڕۆكەی بێفڕۆكەوانی خۆكوژی لە زۆربەی شارەكانی رۆژهەڵات نزیك بە هەرێمی كوردستان جێگیر كردووە.
ماوەی مانگێكە كۆماری ئیسلامی ئێران بەشێوەیەكی بەرچاو چەك و كەرەستەی سەبازیی قورس رەوانەی شارەكانی رۆژهەڵاتی كوردستان دەكات و هەندێك سەرچاوەش باس لە جێگیركردنی سەكۆی موشەكیی لەو بەشەی كوردستان دەكەن كە ئامانجی هێرشكردنە سەر حیزبهكانی رۆژهەڵاتە لە هەرێم. لەگەڵ گواستنەوەی چەكی قورس و هێزی چەكداریی بۆ رۆژهەڵاتی كوردستان، سپای پاسداران له پەیامێك دا ڕایگهیاند: وەك بەڵێنیان داوە نەیارانی كۆماری ئیسلامی لەهەر شوێنێك بن دەكرێنە ئامانج. جێگای ئاماژهیه كه ئهو ههڕهشانهی ڕژیم كاردانەوەی توندی چالاكانی سیاسیی و مەدەنی و بێزاری خهڵكی لێكەوتۆتەوە.