١٦ کەس لە زیندانیانی سیاسی ناودار لە زیندانی ئیڤین لە نامەیەکدا ئاماژەیان بە موسیبەتەکانی بومەلەرزە لێدراوانی شاری خۆی کردوە و خوازیاری ناردن و گەیاندنی یارمەتی خێرا پێیان بوون. ئەوان نووسیویانە:
” بومەلەرزە بە هەزاران ماڵی وێران کردوە و دوا لەرزەکانی کە ئێستا ژمارەیان گەیشتۆتە ١٠٠ دوا لەرزە بەردەوام قەبارەی زیانگەیاندن بە باقی ئەو ماڵانەی کەمتر زیانیان پێگەیشتوە دەباتە سەرەوە و بە ڕوخانی ئەوانیش جارێکی تر وەک کارەساتەکەی بەم، وەرزقان، سەرپول زەهاو، کوت عەبدواللە، پلدوختەر، ئاق قەڵا و شوێنەکانی تر پەردەی ئەو هەژاری و بێبەشییە لادەدات کە ڕەنج و ئازارەکانی خەڵکی دوو هێندە کردوە.”
ئەم زیندانیانە، کە کردار و هەنگاوە دژی ئینسانیەکانی کۆماری ئیسلامییان لە ماوەی تێکۆشانیاندا لە دەرەوەی زیندان و تەنانەت لە نێو زیندانیشدا بە گوشت و پێستەوە هەست و ئەزموون کردوە، لە درێژەی نامەکەیاندا دەڵێن:
” دەزگای حاکمیەتیش لە حاڵێکدا ئیرادەی خۆیان بە ئەرێنی و گونجاو بەسەر بارودۆخەکەدا و مودیریەت کرانی قەیرانەکە تەبلیغ دەکەن کە دوای تێپەڕ بوونی زیاتر لە یەک حەوتوو، زیاتر لە ٥٠ لەسەدی خەڵکی خۆی ماشێن خەو و ٥٠ لەسەدی دیکەیان لە شار چوونەتە دەر و بە دەیان هەزار کەسیش لەسەر شەقامن و هیچ یارمەتیەکی دەوڵەتییان پێنەگەیشتوە.”
نووسەرانی نامەکە واتە تێکۆشەرانی زیندانی، کە بە فیدا کردنی تەندروستی ڕۆحی و جەستەیی خۆیان گەلێک جار دەرسی خۆڕاگرییەکی ئازایانەیان لە بەرانبەر جەللاداندا نیشان داوە، بەم شێوەیە داوای یارمەتیان کردوە:
” ئێمە زیندانیانی سیاسی عەقیدەتی زیندانی ئیڤین، وێرای دەربڕینی هاوردەردی لەگەڵ خەڵکی موسیبەت دیتوی شارستانی خۆی و نیگەرانی زۆرمان سەبارەت بە بارودۆخی نابەسامانی بومەلەرزە لێدراوان، هەوو ئەو خەڵکەی چەندین جار لە کاتە دژوارەکاندا بە یارمەتی یەکترەوە هاتوون و ئەزموونی ئەو کارەیان هەیە، بانگەواز دەکەین بە کارزاری و کەمپەینی یارمەتی گەیاندن بە خەڵکی بومەلەرزە لێدراوی خۆیەوە پەیوەست بن تا شاهیدی بەرەی جەماوەری و تەسلیمی حاکمیەت لە بەرانبەر ئیرادەیاندا بین.”
شەوی شەممە ٨ ی مانگی ڕێبەندانی ١٤٠١ ی هەتاوی کاتژمێر ٢١:٤٤ خولەک بومەلەرزەیەک بە گوڕی ٩/٥ ڕیشتێر دەوروبەری شارستانی خۆی لە ئوستانی ئازەربایجانی غەربی هەژاند. بە قەولی یەکێک لە کاربەدەستانی مانگی سور” بە گشتی ٢٦١ هەزار و ٣٨٧ کەس شاملی ٧٧ هەزار و ٢٩٠ بنەماڵە کەوتنە ژێر کاریگەری ئەو بومەلەرزیەوە.” هەواڵنێریەکان تا ئێستا باسیان لە گیان لەدەست دانی ٣ کەس و بریندار بوونی ١٣٨٠ کەسی دیکە کردوە.
لە ڕۆژی ٩ ی مانگی ڕێبەندانەوە حکومەت ڕایگەیاندوە کە ئیجازەی گەیاندنی یارمەتی جەماوەری بۆ بومەلەرزە لێدراوان نادات و سەرجەم یارمەتیەکان دەبێ بدرێنە ئەو جێگایانەی دیاری کراون و حکومەتی خۆی دابەشیان دەکات. خەڵک متمانەیان بە حکومەت نییە، حکومەتێک کە نزیکەی ٤٤ ساڵی بەردەوامە بێجگە لە چەوساندنەوەی زۆر، تاڵان کردنی سەروەت و سامانی بەرهەمهاتو وە وێرانکردن و دزینی سەرچاوەی سروشتی و گشتی، زیندان، ئەشکەنجە، کوشتن، شەڕ، چاندنی تۆوی دووبەرەکی و خورافات لە ئێران و ناوچەکە و نیهادینە کردنی گەندەڵی لە دامودەزگا دەوڵەتیەکان ولە نێو سەرمایەداراندا کارێکی بۆ خەڵکی ئێران ئەنجام نەداوە. لەم بارودۆخەدایە کە خەڵک و ماڵە نا ئەمنەکانیان لە بەرانبەر ڕووداوە سروشتیەکاندا بەم شێوەیە ئاسیب پەزیرن کە بە بومەلەرزەیەکی کەم هێز، یان سێڵكاوێک توشی خەسار و زیانی قەرەبوو نەکراو دەبن.
سەرانی دز و گەندەڵی ئیسلامی و داسەپاو بەسەر خەڵکدا، باسی گەیاندنی یارمەتی درۆینەی حکومەتی بە خەڵک دەکەن و بەڕەسمی و بە کردەوە بەر بە گەیاندنی یارمەتی جەماوەری و سەربەخۆ لە دەرەوە و ناوەی وڵات دەگرن. ئەوان وەک حاڵەتەکانی هاوشێوەی ڕابردو ژمارەیەکی زۆر لە مەئمورانی ئیتلاعاتی و سەرکەتگەریان ناردۆتە ناوچەکە تا کەس یان ڕێکخراوە سەربەخۆکان لەگەڵ خەڵک پەیوەندی نەگرن و ئاگاداری بارودۆخیان نەبن و ڕاپۆرتی لێ ئامادە نەکەن. بەڵام بەکردەوە توشی شکست بوون و ڕاپۆرتەکان سەبارەت بە بارودۆخی خەڵکی موسیبەت دیتوو لە ڕێگای تۆڕە کۆمەڵایەتیەکان و گوزارشگەرانی جەماوەریەوە دەگاتە بەرگوێ و زەینی خەڵکی دنیا. هەر لەبەر ئەمەیە ڕێکخراوە جەماوەریەکان و دەوڵەتەکان ئامادەییان پیشانداوە بۆ ناردنی یارمەتی سەربەخۆ و ڕژیم داواکاریەکەیانی ڕەد کردۆتەوە.
خەڵکی سەرما لێدراو و ئاسیب دیتو کە بەرەوڕووی وەها دوژمنێکی دڵڕەق و دژە ئینسانی بوونەتەوە خۆیان دەستیا دایە خەبات بۆ پاشکشە پێکردنی سەرکوتگەران. ئەوان ڕۆژی ١٢ ی مانگی ڕێبەندان لەبەردەم بینای مانگی سور و فەرمانداری دەستیاندایە کۆبوونەوەی ناڕەزایەتی و خوازیاری بەرنەگرتن بە هاتنی یارمەتی سەربوخۆی خەڵک و دابین بوونی شوێنی نیشتەجێ بوون، ئاو و خواردن و وەسایلی گەرمکەرەوە بوون. سەرکوتگەران بە جێگای دابین کردنی داخوازیەکانی خەڵکی ماف خواز بە لێدان و ماشێنی ئاوپاش کەوتەنە گیانیان.
هەر ئەو جۆرەی کە کۆمەڵێک لە زیندانیانی سیاسی نووسیویانە دەکرێت بە درێژەدان بە خەبات و لەسەر بەستێنی شۆڕشی” ژن، ژیان، ئازادی، حکومەتی شۆڕایی” ڕێگران و تاڵیانچیانی حیرفەیی وادار بە پاشەکشە بکرێن و یارمەتیە سەربەخۆکانی خەڵک بگەیەندرێتە ناوچەی بومەلەرزە لێدراو.