بەپێی ڕاپۆرتەکان، “نەجمە ئەمینی” هاووڵاتیی ٢٣ ساڵەی خەڵکی شاری مەشهەد، پاش تێپەڕبوونی ٩٨ ڕۆژ لە دەستبەسەرکرانی، هێشتا لە بەندی ژنانی زیندانی وەکیل ئابادی مەشهەد بەندکراوە و بە تۆمەتی موحارەبە و هاوکاری لەگەڵ ئیسرائیل، مەترسی سەپاندنی حوکمی سێدارە لە سەریە.
بەپێی هەواڵی گەیشتوو، ناوبراو ١١ی ڕێبەندانی ١٤٠٤، لە لایەن هێزە ئەمنییەکانەوە لە بازاڕی فیردەوسی مەشهەد بەوپەڕی توندوتیژییەوە دەستبەسەر کراوە و هەروەها بە بێڕێزی بە ڕێبەری ڕژیمی کۆماری ئیسلامی و تێکهەڵچوون لەگەڵ هێزەکانی ڕژیم تاوانبار کراوە. ڕاپۆرتەکان ئاماژە بەوە دەکەن کە نەجمە ئەمینی لە ماوەی دەستبەسەرکردنیدا لە مافی دەستڕاگەیشتن بە پارێزەری سەربەخۆ بێبەش کراوە و نگرانییەکان سەبارەت بە سەپاندنی حوکمی سێدارە لەسەر بنەمای دانپێدانانی زۆرەملێ بەرز بوونەتەوە.