میدیاكانی ڕووسییه له سه‌ر زاری وەزارەتی بەرگری ئه‌م وڵاته ڕایانگه‌یاندووه: یەکەم ڤاکسینی دژ بە ڤایرۆسی کۆرۆنا بەرهەمهێنرا و بە تەواوەتی ئامادەیە.
جێگری وەزیری بەرگری ڕووسییه لە لێدوانێکی رۆژنامەوانیدا رایگەیاند: یەکەم ڤاکسینی دژ بە تووشبونی بە ڤایرۆسی کۆرۆنا ئامادەیە کە لە لایەن ژمارەیەک پزیشکی سەربازی و زانایانی ناوەندی گامالی بۆ توێژینەوە کاری لەسەر کراوە. وتیشی: شارەزایانی پزیشکی سەربازی و زانایان کۆتا هەڵسەنگاندنیان بۆ پێکوتەی دژی بە توشبون بە ڤایرۆسی کۆرۆنا ئەنجامداوە و سەرجەم ئەو خۆبەخشانەی کە بەشدارییان لە تاقیکردنەوەی سێیەم و کۆتایی ڤاکسینەکە کردوە تەندروستیان زۆرباشە و بەرگرییان دژ بە ڤایرۆسی کۆرۆنا دروست کردوە ئێستا ئامادەیە بۆ بەکارهێنان.