” بەپێی ئەو ڕاپۆرتانەی کە لە ڕاگەیەنەرەکاندا بڵاو بوونەتەوە هێندێک لە کەسایەتیە ئیسلاح خوازەکان لە جەلەسە و کۆبوونەوەی کاربەدەستانی سەرەوەی حکومەتدا، کۆمەڵێک ڕێکاریان بۆ کۆتایی هێنان بە ناڕيزایەتیە سەراسەریەکان پێشکەش کردوە.
ئەوان ڕێزیان لە هەڵسوکەوتی هێزە ئەمنیەتیەکان گرتوە سەبارەت بە سەرکوت و بەرەنگار بوونەوە لەگەڵ ناڕەزایەتیەکان لە کوردستان و لەبارەی گوشاری سەر هێزە نیزامیەکانیش نیگەرانی خۆیان دەربڕیوە.”
زیاتر لە دوو مانگ سەرکوت و جەنایەتی حکومەتی ئیسلامی بۆ تێکشکاندنی خۆڕاگری و خەباتی خەڵک چارەساز نەبووە. ئێستا حاکمیەتی ئیسلامی جارێکتر دەستەودامێنی سوپاپی ئیتمینان یان چەرخی پێنجەمی ماشێنی دەوڵەتی، واتە ئیسلاح خوازەکان بۆتەوە.
ڕیفۆڕم خوازانی حکومەتی کە باڵی بەزیو و بەرغەزەبی حاکمیەتی ئیسلامین، دوو دەیە دەرفەتیان هەبوو تا دروشم و بەرنامە بێ ناوەرۆک و فریوکارانەکانیان بەکردەوە دەربێنن، بەڵام بە نیشاندانی ئەوپەڕی بێ لیاقەتی و بێ کیفایەتی لە خۆیان توشی شکستێکی ئابڕوبەرانە بوونەوە. سەرکردەکانیان زیندانی، خرانە حەسر، و یان خانەنشین کران و بەشێكیشیان هەروا لە گەندەڵی و سەرکوتدا بەشدارن.
شۆڕشی نوێی خەڵکی ئێران لە درێژەی ڕەوتی خۆیدا دەمێکەیە سنوری گوفتمان و سیاسەتەکانی ئیسلاح خوازانی بەزاندوە و دروشمی ئیسلاح تەڵەب، ئوسول گەرا، ئیتر تەواوە ماجرا ی بە ڕوونی فۆرمۆلە کرد.
ئیسلاح خوازانی دەرکراو لە دەسەڵات و پەڕاویز خراو لە لایەن خەڵکەوە ئیتر سەنگێکی سیاسی کاریگەر نین و ئەمەش بۆ هەرسێ لایەنی معادلەکە، واتە حکومەت، خەڵک و خودی ڕیفۆڕم خوازەکان بە ڕۆشنی دەرکەوتوە.
بەڵامبۆچیدوومانگدوایسەرکوتوجەنایەت،خامنەییوهاوبەشەکانیدەستبەدامێنیئیسلاحتەڵەبەکانبوون،کاتێکدەزاننتائەوڕادەیەسووکوچروکولاوازبوون؟
ڕاستیەکەی ئەوەیە کە حاکمیەت و دەزگای سەرکوت هەستیان بەوە کردوە کە توندوتیژی بە تەنیا وڵامدەرەوە نییە و دەبێ بە کۆمەڵێک مانۆڕی سیاسی، ڕیزی خەڵک توشی دووبەرەکی بکرێت و کاتێکی زیاتر بۆ هێزە سەرکوتگەرەکان و حەسانەوەیان فەراهەم بێت. دیداری موجتەبا خامنەیی لەگەڵ کچەکەی ڕەفسەنجانی، کۆبوونەوەی شمخانی و ئیژەیی لەگەڵ چەند کەس لە ڕیفۆڕم خوازەکان لەم ڕاستایەدا دەکرێ ڕوون بکرێتەوە.
ڕێبەرانی گەندەڵ و ترسەنۆکی ئیسلاح خوازانی حکومەتی کە زۆربەیان لە ناوەندە ئیتلاعاتی و ئەمنیەتیەکاندان لە سەرکوت و کوشتاری ناڕازیان و زیندانیانی سیاسیدا خاوەنی مێژوویەکی پڕ لە شەرمەزارین. بۆ هەست کردن بە بێشەرمی ئەم تاقمە هەر ئەوەندە بەسە کە لە ئاست جەنایەتەکانی حکومەتی ئیسلامیدا خۆیان کوێر دەکەن و سەبارەت بە توندوتیژی نواندن و سەرکوت پیرۆزبایی ئاڕاستەی حکومەت دەکەن. ئەم دەڵاڵ و گەندەڵە سیاسیانە هیچ باسی قەتڵە حکومەتیەکان ناکەن، تەنانەت نیگەرانی جەنایەتکاران و بەکرێگیراوانی ڕژیمیشن.
شۆڕش و ڕاپەڕینی خەڵک لەدژی کۆماری ئیسلامی لە کوردستان و لە زۆربەی شوێنەکانی ئێران لە ئارادایە. ناڕازیان و خەڵکی وەگیانهاتو بە هیچ شتێک کەمتر لە روخانی کۆماری ئیسلامی و بونیاد نانی نیزامێکی سیکۆلار کە تێیدا ئازادی، بەرابەری و مافەکانی مرۆڤ دابین و زەمانەت کرابێت ڕازی نابن.