محه‌ممه‌د سه‌در ئه‌ندامی مه‌سڵه‌حه‌تی نیزام، ڕۆژی دووشه‌ممه ٤ی خاكه‌لێوه‌ی ١٤٠٤ ڕایگه‌یاند: ٣٠ ملیۆن ئێرانی له ژێر هێڵی هه‌ژاری ته‌واو دا ده‌ژین.
ئه‌و به‌رپرسه ده‌وڵه‌تییه وتی: ئه‌بێ بزانین كه ڕێگه‌چاره‌ی كێشه ئابوورییه‌كان ته‌نیا گۆڕانكاری ئابووری نییه و سه‌ره‌تا ئه‌بێ قه‌یرانی سیاسه‌تی ده‌ره‌كی چاره‌سه‌ر بكرێت. دانپێدانانی به‌رپرسانی ڕژیم به سیاسه‌ته هه‌ڵه‌كانیان له حاڵێكدایه كه ڕێبه‌ری كۆماری ئیسلامی پێداگری له سه‌ر هه‌مان سیاسه‌ت ده‌كات و خه‌ریكه ئێران به‌ره‌و شه‌ڕێكی گه‌وره ده‌بات. له ڕۆژانی ڕابردوودا زۆربه‌ی كارناسانی ئابووری و كۆمه‌ڵایه‌تی سه‌باره‌ت به چوونه‌سه‌ره‌وه‌ی نرخه‌كان له ساڵی تازه هۆشداریان داوه و ڕایانگه‌یاندووه كه ئه‌گه‌ر كۆماری ئیسلامی له‌گه‌ڵ ئه‌مریكا و ئورووپا به ڕێككه‌وتن نه‌گات، ئابووری وڵات ده‌ڕووخێت و ٨ ده‌هه‌كی كۆمه‌ڵگا ده‌كه‌ونه ژێر هێڵی هه‌ژاری دا.