ڕۆژی یه‌كشه‌ممه ١ی ڕێبه‌ندان، نزیكه‌ی ٦٠٠ كرێكاری شاغڵ له به‌شی نۆژه‌نكردنه‌وه‌ی واگۆنی شیركه‌تی “نۆوین سه‌نعه‌ت” كه سه‌ر به ڕێكخراوی ڕێگه‌ی ئاسنی ئێرانه، له ناڕه‌زایه‌تی به دۆخی خراپی پیشه‌یی و مه‌عیشه‌تی كۆبوونه‌وه.
به‌وته‌ی ناڕازیان، لانیكه‌می حه‌قده‌ستیان ١١ ملیۆن تمه‌ن دیاری كراوه به‌ڵام كاتێك حه‌قده‌ست و مه‌زایایان پێ ئه‌ده‌ن كه‌متر له ١٠ ملیۆن تمه‌نه. كاتێك له ئاست ئه‌و پێشێلكارییه ناڕه‌زایه‌تی ده‌ر ئه‌بڕن، له‌لایه‌ن به‌ڕێوه‌به‌ری شیركه‌ته‌وه هه‌ڕه‌شه‌ی له‌سه‌ركار ده‌ركردنیان لێ ده‌كرێت. كرێكاران داوا ده‌كه‌ن گه‌ڵاڵه‌ی ڕیزبه‌ندی پیشه‌كان بچێته بواری جێبه‌جێكردنه‌وه و حه‌قده‌سته‌كانیان زیاد بكرێت.