ڕۆژی دووشه‌ممه ١٥ی مانگی خه‌رمانان، دوو هاوڵاتی خه‌ڵكی شاری سنه به‌ناوه‌كانی “بێهرووز عه‌زیزی و ڕه‌سووڵ عه‌زیزیان” و هاوڵاتییه‌ك له شاری سه‌رده‌شت به‌ناوی “محه‌ممه‌د فه‌ردانی” له لایه‌ن هێزه ئه‌منییه‌كانی ڕژیمه‌وه ده‌ستبه‌رسه‌ركران .
به‌پێی ڕاپۆرته‌كان، هێزه ئه‌منییه‌كانی ڕژێم به‌بێ نیشان دانی هیچ به‌ڵگه‌یه‌كی دادوه‌ری و ئاگادارییه‌كی پێشوه‌خته هێرشیان كردووه‌ته سه‌ر ماڵی ئه‌م سێ هاوڵاتییه و ده‌ستبه‌سه‌ر كراون . شایانی باسه هەتا کاتی بڵاوبوونەوەی ئەم هەواڵە، لە هۆکاری دەسبەسەرکران و شوێنی ڕاگیرانی ئه‌و سێ هاوڵاتییه هیچ زانیارییەک لەبەردەستدا نییە.