شه‌وی یه‌كشه‌ممه ٢٣ی به‌فرانبار، خه‌ڵكی پارێزگای مێرسین له باكووری كوردستان بۆ سێهه‌مین ڕۆژی به‌رده‌وام دژ به داگیركردنی شاره‌داری ئاكدنیز له‌لایه‌ن ده‌وڵه‌تی ئه‌ردۆغانه‌وه خۆپێشاندانیان كرد.
له ڕۆژانی ڕابردوودا، هاوسه‌رۆكه‌كانی شاره‌وانی ئاكدنیز و چوار ئه‌ندامی شۆرای ئه‌و شاره له‌لایه‌ن پۆلیسه‌وه ده‌ستبه‌سه‌ر كران و ده‌وڵه‌ت له جێگه‌یان قه‌یوومی دانا. زیندانی كردنی نوێنه‌رانی ڕاسته‌قینه‌ی خه‌ڵك، شه‌پۆلێك له ناڕه‌زایه‌تی به‌دوای خۆی دا هێناوه و خه‌ڵكی ئاكدنیز بۆ ماوه‌ی چه‌ند ڕۆژه دژ به ده‌وڵه‌تی فاشیستی توركیا خۆپێشاندان ده‌كه‌ن. شه‌وی یه‌كشه‌ممه خه‌ڵكی ناڕازی له‌گه‌ڵ هێزه‌كانی پۆلیس به شه‌ڕ هاتن و چه‌ند كه‌سیان بریندار و ده‌ستبه‌سه‌ر كران.