ئاگردانی حه‌وزه‌ی عیلمیه‌ی له‌نگروود له‌لایه‌ن بنه‌ماڵه‌ی قوربانییه‌كی ده‌ستدرێژی

ڕۆژی دووشه‌ممه‌ ٥ی خاكه‌لێوه‌، بنه‌ماڵه‌یه‌كی كه‌شاوه‌رزی خه‌ڵكی شارستانی له‌نگروود به‌ به‌نزینه‌وه‌ چوونه‌ نێو حه‌وزه‌ی علمیه‌ی ئه‌و شاره‌ و ئاگریان تێ به‌ردا.

به‌پێی زانیارییه‌كان، كوڕی ئه‌و كه‌شاوه‌رزه وه‌كوو ته‌له‌به‌ له‌ حه‌وزه‌ی علمیه‌ی له‌نگروود ده‌رسی خوێندووه‌، به‌ڵام له‌لایه‌ن جێگری سه‌رپه‌رشتی ئه‌و ناوه‌نده‌ مه‌زهه‌بیه‌وه‌ ده‌ستدرێژی سێكسی كراوه‌ته‌ سه‌ری. كاتێك باوكی ئه‌و قوربانیه له‌و جه‌نایه‌ته‌ ئاگادار ده‌بێته‌وه‌ ساختمانی حه‌وزه‌كه‌ ده‌سووتێنێت و خه‌ڵكی ئه‌و شاره‌ش كۆده‌بنه‌وه‌ و پشتیوانی لێ ده‌كه‌ن. پاش ماوه‌یه‌ك هێزه‌كانی حكوومه‌ت هێرش ده‌كه‌نه‌ سه‌ر خه‌ڵك و مۆبایله‌كانیان زه‌وت ده‌كه‌ن و خه‌ڵك ئه‌ده‌نه به‌ر لێدان.