یەکشەممە ٣ی ڕەشەمەی، “عەلی زوڵفی” خەڵکی شاری بۆکان بە دانانی وه‌سێقه‌ی ٢٠٠ ملیۆن تمەنی تا کۆتایی لێپرسینەوە بە شێوەی کاتی لە زیندانی ئه‌و شارە ئازاد کرا.
به پێی راپۆرته‌كان، ناوبراو له ڕێکەوتی ٣٠ی بەفرانباری ئەمساڵ لە لایەن هێزە ئەمنییەکانی ڕژیم دەستبەسەر و پاش کۆتایی لێپرسینەوەکان، لە یەکێک لە گرتووخانە ئەمنییەکانی ڕژیم لە ورمێ بۆ گرتووخانه‌ی بۆكان ڕاگواێزرابوو. شایانی باسه، تا ئێستا هیچ زانیارییەک لە سەر هۆکاری دەستبەسەری و تۆمەته‌كانی دژی ناوبراو له به‌ر دەستا نییە.