بنەماڵەی دیلەکانی هێزەکانی سووریای دیموکرات (قسد)، ڕۆژی دووشەممە ١١ی جۆزەردان لە شارەکانی قامیشلۆ و عاموودا کۆبوونەوە و خوازیاری ئازادکردنی ڕۆڵەکانیان بوون کە لە زیندانەکانی حکوومەتی کاتیی سووریادا دەستبەسەرن.

بەشداربووان بە بەرزکردنەوەی وێنەی ڕۆڵەکانیان ،دروشمی جێبەجێکردنی داواکارییەکانیان، خوازیاری ئازاد کردنی ڕۆڵەکانیانیان بوون

نوشته کۆبوونەوەی بنەماڵەی دیلەکانی هێزەکانی سووریای دیموکرات (هەسەدە) اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

بارەگای ناوەندیی خاتم الانبیاء هۆشداری دایە دانیشتووانی بەشەکانی باکوور و شارۆچکە سەربازییەکانی ئیسرائیل کە لە ئەگەری بۆردوومانکردنی زاحییە و بەیرووت «ئەگەر نایانەوێت زیانیان پێ بگات، ناوچەکە بەجێبهێڵن.»

بنیامین نەتانیاهۆ ڕۆژی دووشەممە ١١ی جۆزەردان لە بەیاننامەیەکدا ڕایگەیاند کە فەرمانی هێرشکردنە سەر چەند ئامانجێکی لە زاحییە لە باشووری بەیرووت دەرکردووە. زاحییە بنکەی هێزی حزبوڵڵایە لە پایتەختی لوبنان. سەعاتێک دوای بڵاوبوونەوەی ئەم هەواڵە، ئاژانسی هەواڵی تەسنیم ڕایگەیاند کە زانیاریی پێگەیشتووە «بە سەرنجدان بەوەی کە لوبنان بەشێک بووە لە مەرجەکانی پێشوەختەی ئاگربەست و ئێستا ئەم ئاگربەستە لە هەموو بەرەکانی شەڕ لەوانە لوبنان پێشێل کراوە»، تیمی دانوستانکاری ئێران «گفتوگۆکان و گۆڕینەوەی دەقەکان لە ڕێگەی نێوەندگیرەوە ڕادەگرێت.» هاوکات ڕاپۆرتەکان ئاماژە بەوە دەکەن کە ئێران هێشتا وەڵامی دوایین پێشنیازی ئەمریکای نەداوەتەوە.

نوشته هۆشداریی بارەگای ناوەندیی خاتم الانبیاء بە دانیشتووانی باکووری ئیسرائیل اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

ڕاپۆرتە بڵاوکراوەکانی ڕۆژی دووشەممە ١١ی جۆزەردان، باسیان لە کوژرانی خوێندکارێکی ژن کردووە لە کۆلێژی پزیشکیی ددانی قەزوین دەکەن بە دەستڕێژی گوللە.

دەوترێت لەم ڕۆژەدا گەنجێک بە دەمانچەیەکی جەنگیی جۆری کۆڵت چووەتە ناو حەوشەی نەخۆشخانەکەوە و چوار گوللەی ناوە بە سنگی کچە خوێندکارەکەوە. سەختی برینەکانی بە ڕادەیەک بووە کە ناوبراو لە دەستبەجێ گیانی لەدەستداوە. بە وتەی شاهیدحاڵەکان «بکوژەکە دەستبەجێ دوای ئەنجامدانی تاوانەکە، بە هەمان چەک خۆی کوشتووە.

نوشته ڕوودانی تەقەکردنی لە کۆلێژی پزیشکیی ددان لە قەزوین اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

بە گوێرەی ڕاپۆرتەکان لە زانکۆکانی ئێراندا سەدان دۆسیەی ئینزیباتی کراونەتەوە، حوکمی قورس بۆ خوێندکاران دەرکراوە و مامۆستایانی زانکۆ دەرکراون.

تەنیا لە زانکۆی پیشەسازیی شەریف بۆ نزیکەی ٣٠ تا ٤٠ خوێندکار دۆسیەی ئینزباتییان بۆ پێکهێنراوە کە لە نێوانیاندا ٥ تا ٧ حوکمی دەرکردن و زیاتر لە ٢٠ حوکمی هەڵپەساردنی یەک تا سێ وەرزی خوێندن دەرکراوە. لە زانکۆی بەهەشتیش ڕاپۆرتەکان ئاماژە بەوە دەکەن کە سیستمە پەروەردەییەکان بۆ نزیکەی ٢٠ تا ٢٥ خوێندکار بەبێ هیچ ڕوونکردنەوەیەک داخراون؛ کارێکی کە بە وتەی خوێندکاران، لە کردەوەدا بووەتە هۆی سنووردارکردنی دەستڕاگەیشتن بە خوێندن و تێکچوونی پرۆسەی هەڵبژاردنی یەکەکان و تۆمارکردنی نمرەکان. هاوکات لە زانکۆی ئێرانیش باس لە پێکهێنانی ١٠٠ بۆ ٢٠٠ دۆسیەی ئینزیباتی و پێ ڕاگەیاندنی تۆمەتەکان بە شێوەی تەلەفۆنی یان ناڕاستەوخۆ بۆ بەشێک لە خوێندکاران دەکرێت. لە زانکۆی عیلم و سەنعەتی ئێرانیش، خوێندکاران باسیان لە پێکهێنانی لانی کەم ١٠٠ دۆسیە لە مانگەکانی ڕابردوودا و بەردەوامیی پرۆسەی پێڕاگەیشتن بە شێوەی ناڕاستەوخۆ کردووە؛ پرۆسەیەکی کە بە وتەی ئەوان تەنانەت خوێندکارانی ناچالاک یان ئەوانەشی کە دەستیان لە خوێندن کێشاوەتەوە لەخۆ گرتووەتەوە.

نوشته شەپۆلێکی بەربڵاوی دەرکردن لە زانکۆکانی ئێران اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

ئاژانسی هەواڵی میزان سەر بە دەسەڵاتی دادوەری ڕایگەیاند کە «میهرداد محەمەدی‌نیا» و «ئەشکان مالکی» کە لە دوای خۆپیشاندانەکانی مانگی بەفرانباری ١٤٠٤ی هەتاوی دەستبەسەر کرابوون، بەرەبەیانی ڕۆژی دووشەممە ١١ی جۆزەردان لەسێدارە دراون.

بەپێی ڕاپۆرتی ناوەندی ڕاگەیاندنی دەسەڵاتی دادوەریی ئێران، «میهرداد محەمەدی‌نیا» و «ئەشکان مالکی» بە تۆمەتی «بەشداریکردن لە کردەوەی دژ بە ئاسایشی وڵات بۆ ڕژێمی ئیسرائیل و دەوڵەتی دژبەری ئەمریکا و گرووپە نەیارەکان و لایەنەکانی سەر بەوان کە بووەتە هۆی ترس و تۆقاندن و نائەمنکردنی کۆمەڵگە و چوونە ناو شوێنە ئایینی و پیرۆزەکان بە مەبەستی تێکدان و ئاگرتێبەردانی موڵکی دەوڵەتی و تایبەتی لەوانە مزگەوت و حەوزەی زانستی بە مەبەستی ڕووبەڕووبوونەوەی کۆماری ئیسلامیی ئێران لە کاتی جەنگ و بارودۆخی ئاسایشیدا، بە سزای لەسێدارەدان و دەستبەسەرداگرتنی ماڵ و داراییەکانیان » مەحکووم کردووە.  دەسەڵاتی دادوەریی ئێران ڕایگەیاندووە کە حوکمی لەسێدارەدانی ئەم دوو زیندانییە دوای پشتڕاستکردنەوەی لە دیوانی باڵای وڵات جێبەجێ کراوە.

نوشته لەسێدارەدانی دوو کەسی تر لە خۆپیشاندەرانی مانگی بەفرانبار اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

بەیانی ڕۆژی دووشەممە ١١ی جۆزەردان، بەهۆی دزەکردنی ماددەی پۆدریی لە یەکێک لە یەکە پیشەسازییەکان لە ئەهواز، چوار کرێکار ژەهراوی بوون.

بەپێی ڕاگەیاندنی وتەبێژی ڕێکخراوی ئاگرکوژێنەوە و خزمەتگوزارییە ئامادەییەکانی شارەوانی ئەهواز، بەپێی لێکۆڵینەوە سەرەتاییەکان، دزەکردن و بڵاوبوونەوەی ماددەی پۆدریی لە ڕیاکتۆرێکی پیشەسازییەوە، بووەتە هۆی ژەهراویبوونی چوار کەس کە پێکدێن لە دوو کەس لە کارمەندانی کۆمەڵەکە و دوو کەس لەو کەسانەی لە شوێنەکەدا ئامادە بوون، کە بە ئامادەبوونی هێزە فریاگوزارییەکان، ڕێوشوێنی پێویستی فریاگوزاری و سەلامەتی گیراوەتەبەر. بە وتەی هەندێک لە کرێکاران، بەکارهێنانی ئامێری پاراستنی تاکەکەسی گونجاو، دامەزراندنی سیستمی چاودێریکردنی دزەکردنی ماددەکان، ڕاهێنانی بەردەوامی کارمەندان و داڕشتنی بەرنامەی کاردانەوە لە بارودۆخی فریاگوزاریدا، لە گرنگترین ڕێگاکانی ڕێگریکردن لە ڕووداوی هاوشێوەن.

نوشته ژەهراویبوونی ٤ کرێکار لە ئەهواز اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

ڕۆژی سێشەممە ١٢ی جۆزەردان، شۆفێرانی بارهەڵگر لە پارێزگا جیاجیاکان ناڕەزایەتییان دەربڕی بەرامبەر بە جێگیربوونی نرخی کرێی بار و زیادبوونی تێچووەکان لە سێ مانگی یەکەمی ئەمساڵدا.

یەکێک لە شۆفێرەکان کە لە شارستانی بەندەری خومەینی کار دەکات، سەبارەت بە داواکارییەکانی خۆی و هاوکارانی دەڵێت: بە تێپەڕبوونی زیاتر لە سێ مانگ بەسەر دەستپێکی ئەمساڵدا، هێشتا هیچ زیادبوونێکی بەرچاو لە نرخی کرێی گواستنەوەی باری جادەییدا نەکراوە؛ ئەمە لە کاتێکدایە کە نرخی تایەر، ڕۆنی ماشێن، پارچەی یەدەگ، چاککردنەوە و تێچووەکانی تری ڕاگرتنی ئۆتۆمبێلەکان بە شێوەیەکی بەرچاو زیادیان کردووە و فشارێکی ئابووریی قورسی خستووەتە سەر شۆفێران و خاوەن بارهەڵگرەکان. بە گوتەی ئەم شۆفێرە؛ پێشتریش زیادبوونی تێچووی تایەر، ڕۆنی ماشێن و پارچەی یەدەگ هەمیشە یەکێک بووە لە کێشە سەرەکییەکانی ئەم چینە و نەبوونی هاوسەنگی لە نێوان تێچووەکان و کرێی بارەکان، ناڕەزایەتی شۆفێرانی لێکەوتووەتەوە.

نوشته ناڕەزایەتیی بارهەڵگران سەبارەت بە جێگیربوونی نرخی کرێی بار اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

گرووپێک لە هاووڵاتیانی دانیشتووی گوندی دێهنۆ سەر بە شارستانی دووروود، ڕۆژی دووشەممە ١١ی جۆزەردان، لە ناڕەزایەتی بەرامبەر بە بەردەوامیی پچڕانی ئاو لەم گوندە، کۆبوونەوەیەکی ناڕەزایەتییان ساز کرد.

بەپێی ڕاپۆرتە بڵاوکراوەکان، گوندی دێهنۆ سەر بە شارستانی دووروود نزیکەی دوو هەفتەیە شایەتی پچڕانی تەواوی ئاوی خواردنەوە بووە و ژیانی زیاتر لە پێنج هەزار کەس لە دانیشتووانی ئەم گوندە ڕووبەڕووی کێشەی جدی بووەتەوە. بە گوتەی ئەم هاووڵاتییە ناڕازییە، لە ماوەی ١٠ تا ١٥ ڕۆژی ڕابردوودا ئاوی خواردنەوەی ئەم گوندە بە تەواوی بڕاوە. ئەم بابەتە بووەتە هۆی تێکچوونی ژیانی ڕۆژانەی خەڵک و زۆرێک لە خێزانەکان لە سەرەتاییترین پێداویستییە تەندروستییەکانی وەک خۆشۆردن بێبەش بوون.

نوشته ناڕەزایەتیی هاووڵاتیانی دانیشتووی گوندی دێهنۆ اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

ڕۆژی دووشەممە ١١ی جۆزەردان، بۆ دووەم ڕۆژی لەسەریەک، مامۆستایانی دەرکراوی زانکۆی فەرهەنگیان لە سەرانسەری وڵات، کە بە شێوەیەکی نایاسایی لەسەرکار دەرکراون، لە بەردەم وەزارەتی پەروەردە کۆبوونەوە.

مامۆستایانی دەرکراو، بە کۆبوونەوە لە بەردەم وەزارەتی پەروەردە، ناڕەزایەتییان دەربڕی بەرامبەر بە خۆدزینەوە و پابەند نەبوونی وەزارەتی پەروەردە و زانکۆی فەرهەنگیان لە جێبەجێکردنی بڕیار و ڕێنماییەکانی جێگری یاسایی سەرۆک کۆمار و هەروەها فەرمانی جێگری یەکەمی سەرۆک کۆمار. ئەوان باسیان لە ڕەفتاری نەشیاو لەگەڵ مامۆستایانی دەرکراو کرد و وتیان: بەرپرسان لە جیاتی وەڵامدانەوە سەبارەت بە جێبەجێ نەکردنی یاسا، بە ئەدەبیاتێکی زۆر نەشیاو و سووکایەتی ئامێز قسە دەکەن.

نوشته کۆبوونەوەی مامۆستایانی زانکۆی فەرهەنگیان اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

ڕۆژی دووشەممە ١١ی جۆزەردان، گرووپێک لە گەنجانی خوازیاری کار لە دزفوول، بە کۆبوونەوە لە بەردەم کارگەی قەندی ئەم شارە، داوای کردنەوەی کارگەکە و دامەزراندنی گەنجانی خۆجێییان کرد.

یەکێک لە گەنجانی ناڕازی سەبارەت بە کێشەکانیان وتی: کارگەی «قەندی شەهیدانی دزفوول» کە دەکەوێتە کیلۆمەتری ١٢ی ڕێگای شووشتەر، لە ساڵی ٩٧ەوە لە حاڵی دروستکردندایە و دوای ماوەیەک کارکردن تێیدا ڕاگیرا. لە ئێستادا، دانیشتووانی ناوچەکە و ژمارەیەکی زۆر لە گەنجانی خوازیاری کار داوا لە بەرپرسان دەکەن پەلە بکەن لە کردنەوەی ئەم پڕۆژەیە و هەلی کاریان بۆ بڕەخسێنن. ئەو وێڕای ئاماژە بەوەی کە ئەم پڕۆژەیە وەک یەکێک لە ناوەندە پیشەسازییە گرنگەکانی شارستانی دزفوول، بڕیارە هەلی کاری ڕاستەوخۆ و ناڕاستەوخۆ بۆ ٤٠٠ تا ٥٠٠ کەس بڕەخسێنێت، وتی: بە سەرنجدان بە دۆخی خراپی بێکاری و ئەوەی کە ئەم یەکەیە لە ئەگەری دەسبەکاربوونەوەی دەتوانێت ببێتە یەکێک لە سەرچاوەکانی داهات و دامەزراندن، داوا لە بەرپرسان دەکەن بۆ دەستپێکردنەوەی چالاکییەکانی ئەم یەکەیە بە زووترین کات هەنگاو بنێن.

نوشته ناڕەزایەتیی گەنجانی خوازیاری کار لە دزفوول اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.