بەپێی ئەو وێنانەی کە بە دەستمان گەیشتوون، کۆمەڵێک لە خوێندکارانی زانکۆی کوردستان لە سنە، لە ناڕەزایەتی بە کوالێتیی خراپی خزمەتگوزارییە خۆشگوزەرانییەکان دەستیان دایە مانگرتن و کۆبوونەوەی ناڕەزایەتی.
بەپێی ڕاپۆرتی گەیشتوو، ڕۆژی سێشەممە خوێندکارانی زانکۆی کوردستان لە ناڕەزایەتی بە کوالێتیی خراپی خواردنی سەلف، بەڕێوەبردنی خراپی بارودۆخی خۆشگوزەرانی و پشتگوێخستنی بەرپرسانی زانکۆ، لە ئامادەبوون لە پۆلەکانی وانە خۆیان بوارد و لە حەوشەی زانکۆکە کۆبوونەوە.