زەردەشت ئەحمەدی ڕاغب، بەندکراوی سیاسیی ڕاگیراو لە زیندانی ناوەندی کەرەج کە لە مانگرتندایە، بۆ ژووری تاکەکەسی گوازراوەتەوە.
بەپێی دوایین زانیارییەکان، گواستنەوەکەی لە کاتێکدا ئەنجام دراوە کە ناوبراو لە مانگی ڕەزبەری ئەمساڵدا، دژ بە دۆسیەیەکی نوێ کە لە لایەن دەزگای قەزایی ڕژیمەوە دژ بەو سازکرابوو، مانگرتنی لە خواردن دەستپێکردبوو. ناوبراو لە دۆسیە نوێکەدا حوکمی یەک ساڵ زیندانی تەعزیری، قەدەغەی دەرچوون لە وڵات و هەروەها بێبەشکرانی لە خزمەتگوزارییە گشتی و حکومییەکانی بۆ ماوەی دوو ساڵ بەسەردا سەپێندراوە.