ڕۆژی پێنجشه‌ممه ٢٩ی خه‌زه‌ڵوه‌ر، “پاسكاڵ كۆنفاور” وته‌بێژی وه‌زاره‌تی ده‌روه‌ی فه‌ڕانسه،ڕایگه‌یاند كه وڵاتانی ئاڵمان، فه‌ڕانسه و به‌ریتانیا خوازیاری زیندوو كردنه‌وه‌ی دانوستانه ئه‌تۆمییه‌كان له گه‌ڵ ڕژیمی كۆماری ئیسلامین.
کۆنفاور جەختی له سه‌ر ئه‌وه كرده‌وه كه ئه‌و سێ وڵاتی ئەوروپییه سەرەڕای هەوڵەکانیان بۆ چالاک کردنی سزاکانی نەتەوە یەکگرتووەکان لە مانگی سپتامبردا، هێشتا باوەڕیان بە پێویستی وتووێژ لەگەڵ تاران هەیە و ئاماژه‌ی به‌وه كرد كه فه‌ڕانسه، بەریتانیا و ئاڵمان هه‌موو كات پاڵپشتییان لە پاراستنی پەیوەندی و درێژەدان بە دانوستانەکان لەگەڵ کۆماری ئیسلامی کردووە.