ڕۆژی یه‌كشه‌ممه ١٢ی گه‌لاوێژ، خانه‌نشینكراوانی ته‌ئمیین ئیجتیماعی له شاره‌كانی تاران، ئه‌هواز، ئه‌راك و ڕه‌شت بۆ جارێكی دیكه دژ به جێبه‌جێ نه‌كردنی داخوازییه‌كانیان كۆبوونه‌وه.
خانه‌نشینكراوانی ته‌ئمیین ئیجتیماعی له دروشمه‌كانیان دا خوازیاری زیادكردنی حه‌قده‌ست، دابینكردنی بیمه‌ی ته‌كمیلی، به‌كرده‌وه‌ده‌رهاتنی گه‌ڵاڵه‌ی هاوسانسازی، دابینكردنی ئاو و كاره‌بای ٢٤ كاتژمیری، پێدانی مه‌زایای خانه‌نشینی، ئازادی به‌ندكرانی سیاسی، كرێكاری و سنفی بوون.