سه‌لام ئازه‌ری شارومه‌ندی خه‌ڵكی نه‌غه‌ده له‌لایه‌ن دادگای ئینقلابی مهاباده‌وه به ١٨ مانگ زیندانی ته‌عزیزی مه‌حكووم كرا.
سه‌لام ئازه‌ری ڕۆژی ٢٧ی خه‌زه‌ڵوه‌ری ئه‌مساڵ له‌لایه‌ن هێزه‌كانی حكوومه‌ته‌وه له شوێنی كاره‌كه‌ی له شاری نه‌غه‌ده ده‌ستبه‌سه‌ر و پاش پشكنینی ماڵه‌كه‌ی، به دانانی وه‌سیقه‌ی دوو ملیارد تمه‌نی ئازاد كرا. له ڕۆژانی ڕابردوودا، ئه‌و شارومه‌نده له‌لایه‌ن لقی یه‌كی دادگای ئینقلابی مهاباده‌وه به تۆمه‌تی “ئه‌ندامه‌تی له یه‌كێك له حیزبه نه‌یاره‌كانی ڕژیم” به ١٢ مانگ زیندان و به تۆمه‌تی “ته‌بلیغ دژی نیزام” به شه‌ش مانگ زیندانی ته‌عزیزی مه‌حكووم كرا.