ڕۆژی دووشه‌ممه ٣ی به‌فرانبار، په‌رستارانی شاغڵ له نه‌خۆشخانه‌ی مه‌سیح دانشوه‌ری تاران دژ به نه‌دانی داخوازییه‌كانیان كۆبوونه‌وه.
په‌ره‌ستاران پاش لێدوانی وه‌زیری بێهداشتی ڕژیم كه ڕایگه‌یاندبوو بودجه‌یان بۆ پێدانی حه‌قده‌ستی كادری ده‌رمان نییه و ناتوانن ساعه‌تی كاریان كه‌م بكه‌نه‌وه، ده‌ستیان له كار كێشاوه و له ناوه‌ندی ئه‌و نه‌خۆشخانه‌یه كۆبوونه‌ته‌وه. په‌ره‌ستاران له كۆبوونه‌وه‌كه‌یاندا خوازیاری زیادكردنی حه‌قده‌ست به‌پێی ڕێژه‌ی هه‌ڵاوسان، په‌رداختی ئیزافه‌كاری و كارانه، چوونه‌سه‌ره‌وه‌ی ته‌عرفه‌ی په‌ره‌ستاری، كه‌مكردنه‌وه‌ی ساعه‌تی كار، دامه‌زراندنی هێزی كاری نوێ، گۆڕانی دۆخی پیشه‌یی و چاكسازی له ژیان و مه‌عیشه‌تیان بوون.