به‌پێی ڕاپۆرتی كانوونی مافی مرۆڤی كوردستان، چاره‌نووسی شارومه‌ندێكی یارسانی خه‌ڵكی كرماشان به ناوی یه‌زدان قه‌نبه‌ری، پاش ڕفاندن له‌لایه‌ن ئیتلاعاتی سپای پاسدارانه‌وه به ناڕوونی ماوه‌ته‌وه.
دوو مانگ له‌مه‌وبه‌ر یه‌زدان قه‌نبه‌ری هاوڕێ له‌گه‌ڵ برایه‌كی و شارومه‌ندێكی دیكه به ناوه‌كانی مه‌نسوور قه‌نبه‌ری و جه‌مشید حه‌قانی له‌لایه‌ن ئیتلاعاتی سپای پاسداران له شاری سه‌لاسی باوه‌جانی ده‌ستبه‌سه‌ر كراون. ئه‌و سێ هاووڵاتیه سه‌ره‌تا بۆ گرتووخانه‌ی سپای نه‌بی ئه‌كره‌می كرماشان گوازرانه‌وه و دواجار ڕه‌وانه‌ی به‌ندی ئه‌منیه‌تی ئیتلاعاتی سپا له زیندانی دیزڵاوا كراون.