ڕۆژی چوارشەممە ١٤ی خەرمانان، بنەماڵەی ئەو بارمتە ئیسرائیلییانەی کە دیلی دەستی حەماسن، لەبەردەم بارەگای پارتی لیکود لە تل‌ئاویو کۆبوونەوە.
بە پێی هەواڵەکان، خۆپیشاندەران بۆ زیادکردنی گوشاره‌كان بۆ سه‌ر بنیامین نتانیاهوو و کابینەکەی، به مه‌به‌ستی ڕێكه‌وتنی ئاگربه‌ست له نێوان ئیسڕائیل و حه‌ماس و ئازادی دیله‌كانی ده‌ستی ئه‌و گرووپه، له‌به‌رده‌م ده‌فته‌ری حیزبی لیكوود له تل ئاویو كۆبوونه‌ته‌وه. شایانی باسه كه به‌دوای دۆزینه‌وه‌ی ته‌رمی شه‌ش بارمته‌ی ده‌ستی حه‌ماس له غه‌زه، خه‌ڵكی ئیسڕائیل مانگرتنی گشتیان ڕاگه‌یاند و ماوه‌ی سێ ڕۆژ له‌سه‌ر شه‌قامه‌كان خۆپێشاندان ده‌كه‌ن.