ڕۆژی سێشه‌ممه ٢ی گه‌لاوێژ، هزاران شارومه‌ندی خه‌ڵكی توركیا له شاری ئیستانبوول و ده‌یان دژبه‌ری شه‌ڕ له شاری واشینگتۆنی ئه‌مریكا دژبه ژینۆسایدی خه‌ڵكی فه‌له‌ستین له‌لایه‌ن ئیسڕائیله‌وه خۆپێشاندانیان كرد.
به‌پێی ڕاپۆرته‌كان، هه‌زاران شارومه‌ندی تورك له شاری ئیستانبوول دژبه ده‌وڵه‌تی ئیسڕائیل و پشتیوانییه‌كانی ئورووپا و ئه‌مریكا له جه‌نایه‌ته‌كانی ئه‌و ده‌وڵه‌ت له غه‌زه، ڕژاونه‌ته سه‌ر شه‌قام و خوازیاری ڕاگرتنی ده‌ستبه‌جێی شه‌ڕ و ڕاگه‌یاندنی ئاگربه‌ستی هه‌میشه‌یی بوون. له‌لایه‌كی دیكه‌وه، ده‌یان دژبه‌ری شه‌ڕ له شاری واشینگتۆن هاوكات له‌گه‌ڵ سه‌ردانی نتانیاهوو بۆ ئه‌مریكا، له نێو ساختمانی كۆنگره كۆبوونه‌وه و داوایان له ده‌وڵه‌تی ئه‌مریكا كرد، ناردنی چه‌ك و چۆڵ بۆ ئیسڕائیل ڕابگرێت.