ڕۆژی چوارشەممە ٥ی ڕەزبەری ١٤٠٢، “سومەیە ساریخانی”، ئەندامی بنەماڵەی دادخوازان، لەلایەن هێزە ئەمنییەکانی تارانەوە دەستبەسەر کرا.
به‌پێی ڕاپۆرته‌كان، “سومەیە ساریخانی” دایكی “عیرفان ساریخانی” گیانبه‌ختكردووی ڕێگای ئازادی، لە ماڵەکەی خۆیدا ده‌ستبه‌سه‌ر كراوە و بۆ شوێنێکی نادیار گوازراوەتەوە. “عیرفان ساریخانی”، تەمەن ٢٢ ساڵ و دانیشتووی تاران، ٢٦ی ڕەزبەری ساڵی ١٤٠١ لەلایەن هێزە ئەمنییەکانەوە ڕفێندرا و ڕۆژی ٢٩ی هەمان مانگ به‌دوای ئەشکەنجەدان تەرمەکەی لە نزیک جاجرود دۆزرایەوە. پزیشکی قانوونی کۆماری ئیسلامی هۆکاری گیانلەدەستدانی ئەم لاوەی “نادیار” و دوای سكاڵای بنەماڵەکەی خۆکوژی ڕاگەیاند.