ڕۆژی یه‌كشه‌ممه ٥ی خه‌رمانان، به‌پێی ڕه‌واڵی هه‌ر حه‌فته خانه‌نشینكراوانی ته‌ئمیین ئیجتیماعی له شاری كرماشان و چه‌ند شاری دیكه‌ی ئێران دژبه دۆخی خراپی مه‌عیشه‌ت كۆبوونه‌وه.
به‌پێی ڕاپۆرته‌كان، خانه‌نشینكراوانی ته‌ئمیین ئیجتیماعی له شاره‌كانی كرماشان، ئه‌هواز، شووش، شووشته‌ر، كه‌رخه و حه‌فت ته‌په دژبه خراپی دۆخی مه‌عیشه‌ت خۆپێشاندانیان كرد. خانه‌نشینكراوان خوازیاری چوونه‌سه‌ره‌وه‌ی ئاستی حه‌قده‌ست و مه‌زایا به‌پێی هێڵی هه‌ژاری، به‌كرده‌وه ده‌رهاتنی گه‌ڵاڵه‌ی هاوسانسازی و دابینكردنی بیمه‌ی ده‌رمانی بوون.