ڕۆژی شه‌ممه ٢١ی گه‌لاوێژ، به‌هۆی وه‌رگه‌ڕانی به‌له‌مێكی په‌نابه‌ران به ٦٠ سه‌رنشینه‌وه له ده‌ریای مانش، شه‌ش په‌نابه‌ری ئه‌فغانستانی گیانیان له ده‌ست دا.
“فیلیپ ساباتیر” جێگری دادستانی “بولون سورمر” به ده‌زگای هه‌واڵنێری فه‌ڕانسه‌ی وت: شه‌ش په‌نابه‌ری ئه‌فغانستانی گیانیان له‌ده‌ست داوه و نزیكه‌ی ١٠ كه‌سیش بێسه‌ر و شوێن بوون كه گه‌ڕان به دوایان دا به‌رده‌وامه. ناوبراو هه‌روه‌ها وتی: زۆربه‌ی په‌نابه‌ران خه‌ڵكی وڵاتی سوودان بوون و به‌شێكی زۆریان ڕزگار كراون.