ڕۆژی پێنجشه‌ممه ١٩ی گه‌لاوێژ، لاوێكی خه‌ڵكی شاری بۆینس ئایرس به ناوی “فاكوندو مولارس” له‌لایه‌ن پۆلیسه‌وه كوژرا و خه‌ڵكی ناڕازی له ناڕه‌زایه‌تی به توندووتیژی پۆلیس خۆپێشاندانیان كرد.
به‌پێی ڕاپۆرته‌كان، “فاكوندو مولارس” بڕیار بوو له خۆپێشاندانه‌كانی دژبه هه‌ڵبژادنی ڕۆژی یه‌كشه‌ممه له‌و وڵاته به‌شداری بكات، به‌ڵام له‌لایه‌ن هێزه‌كانی پۆلیسه‌وه به شێوه‌یه‌كی دڕندانه كوژرا. پاش ئه‌و ڕووداوه خه‌ڵكی ناڕازی ڕژانه سه‌ر شه‌قام و دروشمی “ده‌وڵه‌ت به ئه‌نقه‌ست فاكوندۆی تیرۆر كردووه”یان به‌رز كرده‌وه و له هه‌ندێك شه‌قام له‌گه‌ڵ هێزه‌كانی پۆلیس تێكهه‌ڵچوون.