ڕۆژی شەممە، ٢٤ی پووشپەڕی ١٤٠٢، “خالید محەممەدی” تەمەن ٣٧ ساڵ و خەڵکی گوندی “تورجان”ی سەر بە شاری سەقز، پاش مانگێک به‌ندكران لە گرتووخانه‌ی ئیتلاعاتی سنە بۆ زیندانی ناوەندیی سەقز گوازرایه‌وه.
ڕۆژی سێشەممە، ٢٣ی جۆزەردانی ئه‌مساڵ، “خالید محەممەدی” لە شوێنی کارەکەی لە شاری سەقز، لەلایەن هێزە حکوومەتییەکانەوە دەستبەسەر و دواتر بۆ گرتووخانه‌ی ئیتلاعاتی سنه گوازرایه‌وه. ناوبراو لە ماوەی ٤٨ ڕۆژی ڕابردوودا تەنیا دوو جار پەیوەندیی تەلەفونیی کورتماوەی له‌گه‌ڵ بنەماڵەکەی بووه و باسی له خراپی دۆخی ته‌ندرووستی خۆی كردووه. به‌پێی زانیارییه‌كان، چه‌ند ڕۆژ له‌وه‌پێش ئیدارەی ئیتلاعاتی سەقز “کاڵێ حەسەنپوور”، هاوژینی دووگیانی ناوبراوی بانگ کردووە و وێڕای گوشاری دەروونی، لێپرسینەوەی لێ کردووە.