ڕۆژی چوارشەممە ٤ی گەلاوێژی ١٤٠٢، وێڕای بێ ڕه‌ونقی بازاڕی مه‌راسمه‌كانی موحه‌ڕه‌م، مه‌داحێكی خه‌ڵكی كرماشان به ناوی “حەیدەر قوبادی”، به‌هۆی ده‌ربڕینی ناڕه‌زایه‌تی له ئاست حكوومه‌ت ده‌ستبه‌سه‌ر و بۆ شوێنێكی نادیار ڕاگوێزرا.
به‌وته‌ی هاووڵاتیان، موحه‌ڕه‌می ئه‌مساڵ خه‌ڵك به‌شداری كه‌میان له مه‌راسمه‌كان دا هه‌بووه و زۆربه‌ی ده‌سته‌كانی ئازه‌یتباری چۆڵن. له هه‌ندێك شوێن وه‌كوو كیانشاری كرماشان خه‌ڵك وه‌كوو ده‌رفه‌تێك بۆ ڕه‌خنه‌گرتن و ده‌ربڕینی ناڕه‌زایه‌تی دژ به ده‌سه‌ڵات چاوی لێ ئه‌كه‌ن. ڕۆژی چوارشه‌ممه “حەیدەر قوبادی” لە گەڕەکی کیانشاری کرماشان لە کاتی بەڕێوەچوونی ڕێوڕەسمێکدا لەلایەن هێزەکانی حکوومەتەوە دەستبەسەر و پاش یك ڕۆژ به دانی به‌ڵێننامه له گرتووخانه ئازاد كرا.