له ماوه‌ی ڕۆژانی ڕابردوودا، کۆبوونەوەیەک لەسەر کتێبی “سەفەرەمیوان” لە نووسینی “هاجەر هوشیار” پێک هات.
ئەنجومەنی ئەدەبی “دیالۆگی مەهاباد” سی و پێنجەمین دانیشتنی مانگانەی خۆی بۆ شڕۆڤە و لێکدانەوەی کتێبی” سەفەرە میوان” لە نووسینی “هاجەر هوشیار” تەرخان کرد. ئەو کۆڕە بە بەشداری ژمارەیەك لە ئەدیبان و خوێنەران، ڕۆژی یەکشەممە، ڕێکەوتی ۱ی مانگی گەلاوێژی ١٤٠٢ بەڕێوە چوو. لەم كۆڕەدا، “دەستەی نووسەرانی گزینگ “ی بۆکان” و نووسەری کتێبی (سەفەرەمیوان ) بەشدار بوون.