سەرلەبەیانیی ڕۆژی سێشەممە، ٣ی گەڵاوێژ، “ئومید مەزڵووم” برای “موحسن مەزڵووم” زیندانیی سیاسیی خەڵکی مەهاباد، لەلایەن هێزە ئەمنیەتییەکانەوە دەستبەسەر و بۆ شوێنێکی نادیار ڕاگوێزرا.
“جوانا تەیمەسی”، هاوسەری “موحسن مەزڵووم”، بە بڵاوکردنەوەی ئەم هەواڵە ڕایگەیاند: کە “ئومید موزڵووم” لە ماڵەکەی خۆیدا لە گوندی “وته‌مێش”ی مەهاباد دەستبەسەر کراوە. شایانی باسه كه چوار زیندانیی سیاسیی بە ناوەکانی “موحسن مەزڵووم”، خەڵکی مەهاباد، “هەژیر(محەممەد) فەرامەرزی”، خەڵکی دێولان، “وەفا ئازەربار” خەڵکی بۆکان و “پژمان فاتحی” خەڵکی کامیاران، ڕۆژی یەکی گەلاوێژی ١٤٠١، لەلایەن ئیتلاعاتی سپای پاسدارانه‌وه لە گوندی “یەنگیجە”ی سەر بە ناوچەی سۆمای ورمێ، دەستبەسەر کران و سەرەڕای تێپەڕبوونی ساڵێک بەسەر دەستبەسەرکرانیاندا، بنەماڵەکانیان هیچ زانیارییەکیان لەسەر چارەنووسیان نییە.