به‌پێی ڕاپۆرتی ڕێكخراوی زیندانه‌كانی ئێكوادۆر، ڕۆژی سێشه‌ممه ٣ی گه‌لاوێژ، به‌ندكراوانی ١٣ زیندانی ئه‌و وڵاته سه‌رهه‌ڵدانیان كردووه و ٩٦ زیندانبانیان به بارمته گرتووه.
به‌پێی ئه‌و ڕاپۆرته، شه‌ڕ و پێكدادان له نێوان به‌ندكراوانی زیندانی به‌نده‌ری “گوایاكیل” ڕوویداوه و به‌هۆیه‌وه شه‌ش كه‌س گیانیان له ده‌ست داوه و ١١ كه‌سی دیكه‌ش بریندار بوون. سه‌رهه‌ڵدانی به‌ندكراوان له ١٣ زیندانی ئێكوادۆر به‌رپرسانی ده‌وڵه‌تی گه‌یاندۆته ئه‌و قه‌ناعه‌ته كه له سێ ئوستانی ئه‌و وڵاته بۆ ماوه‌ی ٦٠ ڕۆژ باری نائاسایی ڕابگه‌ینن.