لە ڕۆژی یەکشەممە، ١ی گەلاوێژی ١٤٠٢، چوار به‌ندكراوی خه‌ڵكی سه‌راوڵه به ناوه‌كانی “میهرداد قەیسەربەیگی” تەمەن ٣٤ ساڵ، “ئه‌یووب گه‌راوه‌ند” ته‌مه‌ن ٣٦ ساڵ”، “یوونس گه‌راوه‌ند” و “نه‌وید محه‌ممه‌دنژاد” ته‌مه‌ن ٢٦ ساڵ له ناڕه‌زایه‌تی به ناڕوونی چاره‌نووسیان مانیان له خواردن گرتووه.
به‌پێی ڕاپۆرته‌كان، “مێهرداد قه‌یسه‌ربه‌یگی”، “ئه‌یووب گه‌راوه‌ند”، “یوونس گه‌راوه‌ند” و “نه‌وید محه‌ممه‌دنژاد” ڕۆژی یه‌كشه‌ممه ٢١ی جۆزه‌ردانی ئه‌مساڵ له‌لایه‌ن هێزه ئه‌منیه‌تیه‌كانی شاری سه‌راوڵه ده‌ستبه‌سه‌ر و بۆ زیندانی ئیلام ڕاگوێزران. شایانی باسە کە “مێهرداد قه‌یسه‌ربه‌یگی” و “ئه‌یووب گه‌راوه‌ند” پێشتر و له ڕه‌وتی بزووتنه‌وه‌ی “ژن،ژیان،ئازادی” له‌لایه‌ن حكوومه‌ته‌وه ده‌ستبه‌سه‌ر كرابوون.