وه‌زاره‌تی ده‌ره‌وه‌ی ئۆكراین ڕۆژی پێنجشه‌ممه ڕایگه‌یاند كه به‌هۆی هێرشی مووشه‌كی ڕووسیه بۆ سه‌ر شاری لێویڤ له ڕۆژئاوای ئه‌و وڵاته، ٤ كه‌س گیانیان له‌ده‌ست داوه و ٩ كه‌سی دیكه بریندار بوون.
به‌پێی ڕاپۆرته‌كان، شاری لێویڤ زۆرترین په‌نابه‌ری ناوچه‌كانی دیگه‌ی ئۆكریانی تێدایه و ئه‌رته‌شی ڕووسیه ناوچه‌یه‌كی نیشته‌جێبوونی مه‌ده‌نی كردۆته ئامانج و به‌هۆیه‌وه ٦٠ یه‌كه‌ی ئاپارتمانی و ٥٠ ئۆتومبێل زیانیان پێ گه‌یشتووه و ٤ كه‌س گیانیان له‌ده‌ست داوه و ٩ كه‌سی دیكه‌ش بریندار بوون.