برینداربوونی دوو هاووڵاتی به‌لووچ به‌ ته‌قه‌ی هێزه‌كای ڕژیم له‌ زاهیدان

شه‌وی یه‌كشه‌ممه‌ ١٧ی مانگی گوڵان، هێزه‌كانی كه‌ڵانته‌ری ١٢ی زاهیدان به‌ بێ ئاگاداركردنه‌وه‌ی پێشوه‌خت ته‌قه‌یان له‌ دوو هاووڵاتی به‌لووچ به‌ناوه‌كانی “سه‌عید ناروویی”  ته‌مه‌ن ١٩ ساڵ و “وه‌حید سارانی” ته‌مه‌ن ٢٠ ساڵ كردووه‌ و پاش برینداربوون ده‌ستبه‌سه‌ریان كردوون.

به‌وته‌ی سه‌رچاوه‌ خۆجێیه‌كان، “سه‌عید ناروویی” شه‌وی یه‌كشه‌ممه‌ به‌ مه‌به‌ستی دابینكردنی پێداویستی بۆ مندالە ساواکەی له‌ ماڵ چووه‌ته‌ ده‌ره‌وه‌ و له‌ سه‌ر ڕێگای دارووخانه دا هاوڕێیه‌كی به‌ ناوی “وه‌حید سارانی” سوار ماتۆڕ سیكلته‌كه‌ی ده‌كات. پاش نێو كاتژمێر هێزه‌كانی كه‌ڵانته‌ری ١٢ی زاهیدان به‌ بێ هۆكار ته‌قه‌یان لێ ده‌كه‌ن و پاش برینداربوون به‌ لێدان و ئه‌شكه‌نجه ده‌ستبه‌سه‌ریان ده‌كه‌ن.