ڕۆژی دووشه‌ممه ١٤ی مانگی خاكه‌لێوه، به‌هۆی ڕاخستنی “خاره‌ك” له‌لایه‌ن هێزه ئینتزامییه‌كانه‌وه له مێحوه‌ری ئێرانشار- دلێگان دوو سووختبه‌ری به‌لووچ گیانیان له‌ده‌ستدا.
به‌پێی ڕاپۆرته‌كان، نه‌یسانێكی سایپا به دوو سه‌رنشینه‌وه چووه به‌سه‌ر خاره‌كی هێزه ئینتزامییه‌كان له نزیك پاسگای “چاهشور” و به‌هۆیه‌وه كۆنتڕۆڵی له‌ده‌ستداوه و خۆی كێشاوه به كامیۆنێك دا. به‌پێی زانیارییه‌كان، وانتی نه‌یسان پاش پێكدادانه‌كه ئاگری گرتووه و هه‌ر دوو سه‌رنشینه‌كه‌ی له نێو ئاگردا سووتاون.