ڕۆژی دووشه‌ممه ١٩ی مانگی به‌فرانبار، كرێكارانی كارخانه‌ی قه‌تعه‌سازی ئۆتۆمبێلی “خاو” له شاری ساوه و كرێكارانی ئه‌بنیه‌ی فه‌نی میترۆی هه‌شتگرد له‌ناڕه‌زایه‌تی به جێبه‌جێ نه‌كرانی داخوازییه‌كانیان كۆبوونه‌وه.
به‌پێی ڕاپۆرته‌كان، كرێكارانی كارخانه‌ی قه‌تعه‌سازی ئۆتۆمبێلی “خاو” له شاری ساوه ماوه‌ی چه‌ند مانگ حه‌قده‌ست و مه‌زایای دواخراویان هه‌یه و به‌رده‌ام ناڕه‌زایه‌تیان دره‌بڕیوه به‌ڵام خاوه‌نكار سه‌ره‌نجی به داخوازییه‌كانیان نه‌داوه‌ته‌وه، كرێكارانی ناڕازی هه‌روه‌ها خوازیاری په‌رداختی حه‌قی بیمه‌كانیان به ڕێكخراوی ته‌ئمیین ئیجتیماعین. له‌لایه‌كی دیكه‌وه كرێكارانی ئه‌بنیه‌ی فه‌نی هه‌شتگرد له به‌شه‌كانی نۆژه‌نكردنه‌وه و حه‌راسه‌تی میترۆ كار ده‌كه‌ن و ماوه‌ی سێ مانگه هیچ حه‌قده‌ستێكیان وه‌رنه‌گرتووه و خوازیاری په‌رداختی داخوازییه دواخراوه‌كانیانن.