به‌پێی هه‌واڵی گه‌یشتوو به كۆڵبه‌رنیووز، ڕۆژی پێنجشه‌ممه ٢٧ی مانگی گه‌لاوێژ، كۆڵبه‌رێكی خه‌ڵكی “سه‌ڵماس” به‌ناوی “مه‌حموود عوسمانی” به‌هۆی ته‌قینه‌وی مین له‌سنووری “هه‌نگه‌ژاڵه”ی بانه كه‌مئه‌ندام بوو.
به‌پێی زانیارییه‌كان، مه‌حموود عوسمانی” خه‌ڵكی گوندی “جه‌نگ سه‌ر”ی سه‌ر به شاری “سه‌ڵماسه” و به‌هۆی ته‌قینه‌وه‌ی مین له سنووری “هه‌نگه‌ژاڵه”ی بانه لاقێك و هه‌ردوو چاوی له‌ده‌ست داوه. شایانی باسه كه ڕۆژی چوارشه‌ممه‌ی ڕابردووش كۆڵبه‌رێكی ته‌مه‌ن ١٧ ساڵی خه‌ڵكی شارۆچكه‌ی “ساحێب”ی سه‌ر به شارستانی سه‌قز، به‌ناوی “ئامانج ئازه‌رپوور” به‌هۆی ته‌قینه‌وه‌ی مین له‌سنووری بانه به‌سه‌ختی بریندارببوو و به‌هۆی سه‌ختی برینه‌كانیه‌وه ڕه‌وانه‌ی نه‌خۆشخانه‌ی تاران كراوه.