ناڕه‌زایه‌تی دوكاندارانی بازاڕی سه‌وزه‌ و میوه‌ی ڕۆژهه‌ڵاتی كوردستان

به‌پێی ڕاپۆرتی سه‌رچاوه‌ خۆجێیه‌كان، دووكاندارانی بازاڕی سه‌وزه‌ و میوه‌ی شاره‌كانی ڕۆژهه‌ڵاتی كوردستان له‌ئاست گرانی و نه‌بوونی كڕیار ناڕازین و ده‌ڵێن: ئه‌گه‌ر دۆخه‌كه‌ به‌م شێوه‌یه‌ درێژه‌ بكێشێت له‌ داهاتوویه‌كی نزیكدا مایه‌پووچ ده‌بین.

به‌وته‌ی یه‌كێك له‌ دووكاندارانی بازاڕی سه‌وزه‌ و میوه‌ی سنه‌، گڕانی میوه‌ و سه‌وزه‌ی ئه‌مڕۆ له‌ماوه‌ی ٢٠ ساڵی ڕابردوودا بێوێنه‌یه‌ و ڕۆژانه‌ به‌شێكی زۆر له‌ میوه‌ و سه‌وزه‌ی دووكانه‌كانی نێو بازاڕ به‌هۆی نه‌بوونی كڕیار خراپ ده‌بن و له‌ناو ده‌برێن. هه‌ر له‌و په‌یوه‌ندییه‌دا دوێنێ سه‌رۆكی ئیتحادییه‌ی بارفرۆشانی ئێران ئاماژه‌ی به‌ دابه‌زینی ٥٠٪ كڕینی میوه‌ له‌لایه‌ن خه‌ڵكه‌وه‌ كردبوو وله‌و باره‌وه‌ وتی: ساڵانی ڕابردوودا خه‌ڵك لاینكه‌م دوو كیلۆ میوه‌یان ده‌كرێ به‌ڵام ئێستا دانه‌دانه‌ میوه‌ ده‌كڕن.