ڕۆژی یه‌كشه‌ممه ١١ی مانگی گوڵان، هێزه‌كانی به‌رگری ژنانی ئازادیخوازی ئه‌فغانستان له ولسوالییه‌كانی “به‌غڵان” و “ئه‌نده‌ر ئاب” هێرشیان كرده سه‌ر چه‌كدارانی تالیبان و ١٥ چه‌كداری تالیبانیان كوشت و ژماره‌یه‌كیان ده‌ستبه‌سه‌ر كرد.
به پێی ڕاپۆرته‌كان، ژنانی خۆڕاگر و ئازادیخوازی ئه‌فغانستان كه له به‌ره‌ی “مۆقاومه‌تی” ئه‌فغانستان جێیان گرتووه له دوو ولسوالی ئه‌و وڵاته هێرشیان كرده سه‌ر چه‌كدارانی تالیبان و له ولسوالی “به‌غڵان” ٦ چه‌كداری تالیبانیان كوشت و ٤ كه‌سی دیكه‌یان ده‌ستبه‌سه‌ر كرد، هه‌روه‌ها له ولسوالی “ئه‌نده‌رئاب” چه‌كدارانی تالیبان كه‌وتنه بۆسه‌ی هێزی به‌رگری ژنانی ئازادیخوازی ئه‌فغانستان و ٩ كه‌سیان كوژرا و ژماره‌یه‌كی زۆریان بریندار بوون.