ڕۆژی دووشەممە ١٩ی گه‌ڵارێزان، دوو هاووڵاتیی خەڵکی گوندی “خوڕخوڕە”ی شاری مەهاباد بە ناوەکانی “سولیمان کەریم‌پوور” و “خالید محەممەدزادە ئەقدەم” ، پاش ٦٥ ڕۆژ ڕاگیرانیان لە گرتووخانه‌ی هێزه‌كانی سپای پاسداران، گوازترانه‌وه بۆ زیندانی مەهاباد.
به‌پێی ئه‌م ڕاپۆرته، ڕۆژی هەینی ١٤ی خەرمانان، ئەو دوو هاووڵاتییە لەکاتێکدا لە زەوییە کشتوکاڵییەکانی خۆیان خەریکی کاری کشتوکاڵ بوون، لەلایەن هێزەکانی سپای پاسدارانەوە به تۆمه‌تی “هاوكاری له‌گه‌ڵ یه‌كێك له حیزبه نه‌یاره‌كانی ڕژیم” دەسبەسەر کرابوون. شایانی باسه، ئه‌م دوو كه‌س له ماوه‌ی ده‌ستبه‌سه‌ركرانیاندا له زیندانه‌كانی ئیتلاعاتی مه‌هاباد و ورمێ خراونه‌ته ژێر ئه‌شكه‌نجه و لێكۆڵینه‌وه.