به پێی هه‌واڵی گه‌یشتوو، به‌ندكراوێكی سیاسی زیندانی خۆی له ناڕه‌زایه‌تیی به جێبه‌جێ نه‌كردنی خواسته‌كانی له‌وانه ڕاگوێزرانی بۆ زیندانی مه‌هاباد، ده‌ستی داوه‌ته مانگرتن له خواردن.
به پێی ئه‌م هه‌واڵه، “ئه‌سعه‌د مه‌نگوڕی” ناسراو به “سۆران” و له ڕێبه‌رانی ڕاپه‌رینی به‌ندكراوانی زیندانی مه‌هاباد، له ناڕه‌زایه‌تیی به دوورخرانه‌وه‌ی بۆ زیندانی ناوه‌ندی خۆی و نه‌گه‌ڕاندنه‌وه‌ی بۆ زیندانی مه‌هاباد، له ڕۆژی پێنجشه‌ممه ١٥ی گه‌ڵارێزانه‌وه ده‌ستی داوه‌ته مانگرتن له خواردن. شایانی باسه، ناوبراو به‌هۆی ئه‌م مانگرتن له خواردنه زه‌ختی دابه‌زیوه و گواستراوه‌ته‌وه بۆ بێهداری زیندان، به‌ڵام له لێدانی سڕۆم خۆی بواردووه.