دوو هاووڵاتیی خەڵکی شاری شنۆ کە لە لایەن هێزە ئەمنییەکانی ئەم شارەوە دەستبەسەر کرابوون، لە لایەن دەزگای قه‌زایی ڕژیمه‌وه بە ١٠٢ مانگ زیندان مەحکووم کراون.
به پێی ئه‌م ڕاپۆرته، دوو هاووڵاتیی خەڵکی شاری شنۆ بە ناوەکانی “ڕەحیم ڕەفعەت” و “ڕەحمان تابش” لە لایەن دادگای ڕژیم له‌مشاره سه‌رجه‌م حوكمی ١٠٢ مانگ زیندانیان بە سەردا سه‌پاوه. بە پێی ئه‌م حوكمه، ئه‌م دوو كه‌سه بە تاوانی “چالاکی و ئەندامبوون لە یەکێک لە حیزبە نه‌یاره‌كانی ڕژیم” دەستبەسەر و ئه‌م سزایه‌یان به‌سه‌ردا سه‌پاوه. جێگه‌ی ئاماژه‌یه، “ڕەحیم ڕەفعەت” و “ڕەحمان تابش” وێڕای ٦ کەسی دیکە لە ڕێکەوتی ١٤ی پووشپەڕی ئەمساڵدا لە لایەن هێزەکانی ئیدارەی ئیتلاعاتی شاری شنۆوە دەستبەسەر و پاش ماوەی دوو مانگ بە دانانی وه‌سیقه بە شێوەی کاتی له زیندان ئازاد کرابوون.