كۆمه‌ڵێك له چه‌وه‌نده‌ركارانی نه‌غه‌ده ڕۆژی یه‌كشه‌ممه ٢٧ی ڕه‌زبه‌ر، له ناڕه‌زایه‌تیی به پێبه‌ند نه‌بوونی سه‌هامدارانی كارخانه‌ی “سۆلدووز” به ڕێككه‌وتنی نێوان كارخانه و چه‌وه‌نده‌ركاران سه‌باره‌ت به په‌رداختی مۆتاڵباته‌كانیان، ده‌ستیاندایه كۆبوونه‌وه.
به‌وته‌ی ناڕازییان، به پێی ڕێككه‌وتنی نێوان چوه‌نده‌ركاران و سه‌هامدارانی كارخانه، بڕیاربوو ٨٠ له‌سه‌دی حقووقی چه‌وه‌نده‌ركاره‌كان له‌كاتی ڕاده‌ست كردنی به‌رهه‌مه‌كانیان په‌رداخت بكرێ، به‌ڵام ئێستا به‌دوای تێپه‌ڕبوونی چه‌ند ڕۆژ به‌سه‌ر ڕاده‌ست كردنی به‌رهه‌مه‌كانیان، هیچ بڕه پاره‌یه‌كیان پێ نه‌دراوه.